Спектаклот на годината, MTV видео музичките награди ќе се одржат при крајот на оваа недела, а шоуто ќе го отворат Аријана Гранде, Ники Минаж и Џеси Џеј со нивната нова песна „Bang Bang“. Ова ќе биде прв нивен заеднички настап.
Аријана и Минаж ќе настапат и одделно за време на церемонијата, која ќе се пренесува во живо директно од Калифорнија.
Најмногу номинации има Бијонсе, која води со осум номинации, вклучувајќи ја и онаа за видео на годината за песната „Drunk In Love“. Исто така, таа ќе ја добие наградата „Michael Jackson Vanguard Video“.
Освен овие женски изведувачи, ќе ги видиме и Ашер, 5 Seconds of Summer, Maroon 5, Тејлор Свифт, Сем Смит и Иги Азалеа, која има дури седум номинации, исто како и Еминем.