Конечно е избран најдобриот гитарски риф од вкупно 100 песни, а наградата и припадна рифот од песната „Whole Lotta Love“ од легендарната рок група Led Zeppelin.
За изборот на најдобриот риф, гласале музички критичари, радиски водители и продуценти и тоа преку анкета на BBC радио 2. На второ место се најде рифот од песната на Guns N’Roses за песната „Sweet Child O’Mine“, а по неа следуваат „Back In Black“ од AC/DC и „Smoke On The Water“ од Deep Purple.
Авторот на овој риф, Џими Пејџ изјавил дека е воодушевен со победата и кажа дека сака да направи една гитарски дел, кој ќе ги допре луѓето, а во тоа му помогнале музичарите Роберт Плант, Џон Пол Џонс и Џон Бонам.
- „Wholle Lotta Love“ е еден од најважните гитарски рифови на 20 век. Штом слушнете два тона, знаете дека тоа е тоа, изјавил продуцентот Стив Левин.
На останатите места се наоѓаат рифовите од песните „Layla“ (Derek and The Dominoes), „How Soon Is Now?“ (The Smiths), „Down Down“ (Status Quo), „Money For Nothing“ (Dire Straits), „You Really Got Me“ (The Kinks) и „Money“ (Pink Floyd).