Американските таблоиди открија дека Робин Тикл и Фарел Вилијамс се наоѓаат на суд, каде се обидуваат да докажат дека нивната песна која беше најголем хит минатата година, „Blurred Lines“ не е плагијат на „Got To Give“ од 1977-та на Марвин Геј.
Но, сега, кога пред законот мораат овие двајца го докажат своето авторско дело, Робин Тикл одлучи во право време да признае дека нема никаква врска со создавањето на хитот на кој тој е потпишан заедно со Фарел.
Робин во досегашните интервјуа се фалеше дека тој и Фарел ја напишале песната за половина час, веднаш ја снимиле, а притоа песната на Марвин Геј била само нивна инспирација.
Сега, тој го тврди спротивното со тоа што вели дека тогаш бил на многу силни апчиња за болки и алкохол, токму кога Фарел работел на песната.
- Бев љубоморен и сакав некои права. Покасно се обидов да се уверам дека тоа е и мое дело, а во реалноста Фарел ја напиша целата песна сам, рече Тикл и додаде:
-Бев пијан и на таблети кога дојдов во студиото. Колку што се сеќавам, сакав повеќе да бидам ангажиран отколку што бев во моментот, а девет месеци покасно, песната стана огромен хит и сакав некои права на неа. Всушност, секој ден се будев, пиев Vicodin за да го започнам денот и потоа мешав шише вода со водка. Бев пијан и за време на моите интервјуа минатата година. Сега сум чист два месеца... Кога женати ќе те остави, ти дава добра причина за да се отрезниш, раскажа пејачот на суд, а американските таблоиди откриваат дека тој можеби повеќе не консумира апчиња, но сепак се уште пие алкохол.
Со ова Тикл го „фрли под автобус“ Фарел Вилијамс, кој во моментов е еден од најпопуларните музичари на планетата. Во продолжение слушнете ги и двете песни и заклучете сами дали песната е плагијат или не...