Британскиот поп пејач Џејмс Блант изјавил дека неговиот хит „You are beautiful“, кој во 2005-та година му донесе светска слава, е една здодевна и иритантна песна, пишува Hello.
- Ги удавивме луѓето со таа песна. Здодевна е. Не сакам кога уметникот е поврзуван со зборовите на една песна, изјавил Блант за магазинот.
40-годишниот пејач рекол дека песната го привлекла понежниот пол, заради што изгубил голем дел од машката публика.
- Публиката смета дека сум сериозна и цврста личност, што во реалноста воопшто не сум. Тоа единствено го знаат моите пријатели.
„You are beautiful“ е песна од деби албумот на Блант наречен „Back to Bedlam“, кој е продаден во 11 милиони примероци ширум светот.
Истата песна во 2006-та се наоѓаше на првото место на листата Bilbord Hot 100, а последниот музичар кој го достигна тој успех беше Елтон Џон во 1997-та година. Блант има издадено четири студиски албуми и е добитник на бројни Brit, Gremi и MTV награди.
Да се потсетиме уште еднаш на неговата „здодевна песна“.
Во последно време Блант беше актуелен на плејлистите со неговите хитови Bonfire Heart и Heart To Heart, за кои мора да признаеме дека се одлични.