„Zabranjeno pušenje“ со нов спот за стара песна

Групата „Zabranjeno pušenje“ слави 30 години од издавањето на култниот албум „Das ist Walter“, а за таа цел објави нов спот за старата песна „Stanje šoka“.

На концертот во Сараево за обележувањето на 30 годишната професионална кариера на групата, кој се одржа при крајот на 2013 година, на бината се придружија и претходните членови на бендот за заедно да го исполнат хитот „Stanje šoka“. Момците се обединија токму на овој концерт по 25 години!

Токму нивната повторна средба е обележана во спотот. Свирачките копја уште еднаш беа вкрстени од Дарки Остоич (Оги Минк), бившиот басист Самир Черемид, сегашниот басист на групата „Plavi orkestar“ и Дадо Џихан, клавијатуристот кој бил дел од „Zabranjeno pušenje“ во периодот на албумите „Pozdrav iz zemlje Safari“ и „Male priče o velikoj ljubavi“. Дадо сега создава филмска музика („Karaula“, „U zemlji krvi I meda“, „Dobro uštimani mrtvaci“), а едно време настапувал и со британскиот состав „Jim Jones Revue“. Еден од најдобрите тапанари, Зенит Џозич, засвири на тапани, а Мустафа Ченгиџ на гитара, кој бил дел од групата за време на албумите „Das ist Walter“ и „Dok čekaš sabah sa šejtanom“.