Прекрасниот видео спот кој излезе денеска и веднаш стана хит на балканските друштвени мрежи е снимен во преубав летен амбиент, а оние кои го погледнаа спотот велат дека ова е најдобро издание на популарната Хрватка досега.
- Дружењето за време на снимањето беше одлично. Едноставно не можевме да веруваме колку добро изгледа Северина во живо и колку зрачи со некој сексапил за кој не можеме да коментираме. Таа одлично изреагира на нашиот спој на тамбури и виолини и вели дека со денови не и излегува од глава нашата заедничка песна. Добро се снајдовме и секако, сите сме задоволни, и ние и Севе, истакнуваат Učiteljice, односно, Матеа, Силвија и Ана.
Северина на својата Facebook страница утрово напиша: Песната ме привлече на прва бидејќи е мелодична и ми се допадна стихот: „Генерале мој, ти пукаш во цивили“... врв! Тоа ќе го пееме сите жени.
Инаку Učiteljice во последните месеци успеаја да го привлечат вниманието на себе, а нивните бројни настапи и фактот дека Северина, која важи за голема регионална ѕвезда, баш со нив сакаше да го сними својот нов сингл, говори за тоа дека се вистински нов музички хит.
