Џеси Џеј проговори за една песна која и донела толкава заработка што веќе не морала да работи со години. Хитот „Party in the USA“, кој го изведува Мајли Сајрус е вистински доказ колку заработуваат текстописците.
- Треба да пишувате песни, во тоа е заработката. „Party in the USA“ ми плаќаше кирија 3 години па и подолго. Јас сум пејачка и текстописец, но повеќето заработки доаѓаат од пишувањето на песни. Сите жени зборуваат и пеат за исти работи, но секоја на свој начин. Темите најчесто се љубов, чувства и секс. Често пееме за тоа како се чувствуваме и во што веруваме, изјави Џеси Џеј за магазинот „Glamour“.
Иако некои сметаат дека направила грешка што песната ја препуштила на друга пејачка, критичарите тврдат дека тоа бил добар потез, затоа што песната во верзија на Џеси Џеј звучела полошо.