Балканскиот романтичар, Владо Георгиев, кој што на 14 февруари доаѓа на својот прв голем солистички концерт во Скопје, вели дека сака да се смири покрај македонско девојче.
- И јас како и вие македонците, многу го почитувам Св. Трифун. Но, годинава сакам да го прославам и Валентајн. Ништо чудно покрај мене да се најде македонско девојче. Па да ме смири. Зошто да не..., изјави Георгиев.
А за да биде идеален концертот на Георгиев, се погрижи неговата Барба продукција. Осветлување и озвучување по највисоки светски стандарди. Сцена, доволно голема за да на неа ја пренесе цела енергија. Освен Георгиев, во Борис Трајковски ќе видиме и танчери и балерини. Подготвува многубројни изненадувања, какви што им приреди и на фановите во преполната Комбанк арена во Белград. Токму тој негов концерт во белгардската арена, минатата година од многубројните српски медиуми, беше забележан како еден од најдобрите концерти кои што се случиле во Белград.
Репертоарот, Георгиев вели дека никогаш не го подготвува пред време. Пее она што го тера срцето но го слуша и ритамот на публиката.
А дека токму концертот на Георгиев, е идеално место за да ја славите љубовта во пар, или виното во друштво, доказ се цените на билетите. Истите до 1 февруари се со цени почнувајќи од 600 денари за партер стоење па се до 2000 денари за вип трибина.