Пејачите кои ќе се пласираат во завршницата ќе живеат во заедничка куќа, каде менторите ќе ги подготвуваа за лајв емисиите. Големото финале во београдската Арена е најавено за крајот на јуни.
Во регионалниот X-Factor Adria, кој работи според лиценцата на најголемото пејачко талент шоу во светот се пријавија околу 12.000 луѓе.
Аудицијата во Скопје е веќе завршена, а аудицијата во Загреб која исто така заврши неодамна траеше два дена. Според информации блиски до продукцијата, сите натпреварувачи наместо да бидат сместени посебно, ќе живеат во една куќа. Ова потсетува на првото музичко талент шоу на Балканот, Операција Триумф, кое важеше за реално шоу. Сепак се уште не е јасно дали секојдневно натпреварувачите ќе бидат снимани, како што беше случајот со Операција Триумф или пак ќе бидат снимани само кратки најави.
Исто така изворот открива дека освен парична награда, чиј износ се уште се крие, победникот ќе потпише договор со дискографска куќа за објава на албум.