Пејачот на групата One Direction, Зејн Малик, реши да го напушти бендот засекогаш. Оваа одлука предизвика бурни реакции кај момците од бендот, но и кај обожавателите.
- Животот со One Direction беше многу повеќе од она што можев да го замислам. Но, по пет години, мислам дека е вистинско време да го напуштам бендот. Сакам да им се извинам на фановите ако со ова некого разочарав, но морам да го направам она што е вистинско за моето срце. Си одам затоа што сакам да бидам нормален 22-годишник и да живеам мирен живот далеку од јавноста, напиша Зејн на заедничкиот профил на Facebook.
Момчињата од бендот, Ниал, Хери, Лиам и Луис се навистина тажни што си заминува Зејн, но ќе продолжат како бенд. Токму оваа одлука Зејн ја донел за време на нивната светска турнеја „On The Road Again“, а причината е дека оваа работа за него е многу стресна. Изгледа дека Хери прв дознал за напуштањето на Зејн, па додека настапуваа во Џакарта, тој не можеше да ги сокрие солзите од публиката и буквално се расплака на сред настап.
- Му посакуваме на Зејн се најдобро во иднина. Ние четворица продолжуваме понатаму. Се радуваме на снимањето на новиот албум и на концертите најавени во турнејата, стоеше во изјавата на момците на нивниот профил.
Но, освен момците, скршени се и обожавателите, особено припадничките на понежниот пол, кои го гледаа Зејн како Бог. Социјалните мрежи се преплавени со бура од реакции и многу насолзени очи.