Некогаш и негде ќе те сретнам пак...Поминаа 8 години откако Владо Јаневски последен пат заедно со својата публика ги испеа хит рефрените на песните кои денес важат за евергрини на македонската музика.
Овој петок (3-ти април) фановите повторно ќе имаат можност да уживаат во стиховите на неговите песни благодарение на големиот концерт што ќе се одржи во арената „Борис Трајковски“.
По барање на Јаневски за прв пат бината во салата ќе биде централно поставена, додека останатата техника ќе биде монтирана на самиот кров на арената. Тој и неговиот бенд деновиве ги прават последните подготовки за концертот и со нетрпение го очекуваат големиот ден.
Доколку сакате да бидете дел од концертот картите можете да ги купите во продажните салони на ONE (Skopje City Mall, Ramstore, ТЦ Бисер, ГТЦ, ВЕРО Центар), Југотон ГТЦ 1 кат, Универзална Сала, Тобако МПМ ПРЕС, Тобако Гоги – Драчево, Розе Веро 2, Камарад Рамстор, Кафе Круг, Кафе Браво.
Подетални информации за концертот и за цената на чинење на билетите можете да погледнете на следниот линк.