Зејн Малик ја напушти групата One Direction со објаснување дека сака да биде нормален 22-годишник, но по се изгледа не е така. Сепак, по појавувањето на новата песна, најверојатно сака соло кариера.
Имено, Зејн соработувал со продуцентот Naughty Boy, кој има соработка и со Сем Смит, а веднаш откако се проширија гласините за нивната соработка, на интернет беше објавена и нивна заедничка песна, „I Won’t Mind“. Песната ја објави Naught Boy на неговиот профил на Soundcloud.
- Нема ништо освен љубов за она што го оставивме зад себе, напишал во описот на постот.
По некое време од објавувањето, продуцентот имал мало недоразбирање со Луис Томлинсон, еден од членовите на групата, бидејќи тој напишал дека го спасил Зејн, но на никому не му е јасно од што го спасил. Откако Луис го нападнал заедно со фановите, Naughty Boy изјавил „за сега музиката нека зборува, а времето ќе ја покаже вистината.“
Сепак, не е познато дали Зејн останал во добри односи со сите членови од групата, но неговото заминување предизвика бура од реакции и солзи.