Еден од најбараните женски вокали и моментално водечка светска соул и R&B пејачка, Емели Санде, ќе настапи на отворањето на фестивалот Exit на 9 јули на Петроварадинската тврдина.
Британската ѕвезда од замбиско потекло, има три песни кои се искачиле до првото место на светските топ листи, но и најпродавани албуми во 2012 и 2013 година. Со оглед на тоа дека еден од албумите поминал 64 недели во првите 10 најпродавани албуми, Санде го сруши рекордот кој преку 50 години го држеле Битлси. Има собрано безброј награди и ги красела насловните страници на најпознатите магазини.
Токму таа ќе ја отвори овогодинешната посебна програма на Exit, која се состои од исполнувачите на најслушаните песни како што се и Clean Bandit, Џон Њуман, Том Одел, Милки Ченс, Хардвел, Мартин Гарикс и Оливер Хејденс. Освен овие ѕвезди ќе настапат и Motorhead, Faithless, Manu Chao, Napalm Death, Рони Сајз, Крис Лиебинг, Адам Бајер и други.