Давид Темелков, кој од самото појавување на аудициите во X-Factor ги придоби симпатитие на жирито и публиката, синоќа успеа да ја воодушеви Александра Ковач и да влезе во нејзината Топ три група за финалните настапи.
Давид настапи во категоријата „машки пејачи до 27 години“, чиј ментор е Александра Ковач, а во која имаше и двајца Македонци, Давид Темелков и Боби Мојсовски. Ковач своите тројца финалисти ги одбра со помош на Калиопи. Покрај него избрани се и Илија Михајловиќ и Антонио Криштовиќ.
- Денеска е тежок ден за мојата Македонија. Велат дека ништо не е случајно, па ни ова, тоа што токму на овој ден песната со која настапив се вика ,,Angels“ од Роби Вилијамс. Овој настап и оваа песна ја посветувам на бранителите кои го дадоа својот живот да нѐ заштитат, кои се сега наши Ангели.
Ковач која е единствена дама во жирито на X-Factor ја преполови својата група, но потоа бараше од продукцијата место за уште еден натпреварувач, за што продукцијата дојде на друга идеја. Имено, на самиот крај од емисијата, водителот Александар Радојчиќ најави дека спонзорот на серијалот, Samsung овозможил уште едно место во финалните емисии. Кој ќе го потполни ова место од натпреварувачите кои испаднаа, одлучува публиката која може да гласа за еден кандидат на Facebook страната на Samsung. Тука можете да го погледнете неговиот настап.
Во последната 4-та категорија, групите на Тончи Хуљич, со помош на Петар Грашо ги одбра најдобрите. Според него во финалните настапи одат Инфинитис, АнџелиНЕ и 9 Control.
Во минатата емисија Жељко Јоксимовиќ и Масимо Савиќ си ги одбраа своите натпреварувачи, што значи дека наскоро започнуваат емисиите во живо.