Gabimi i femrave është se i qortojnë meshkujt për qëndrimin e tyre, kinse i duan ato më pak se një natë më parë, kur ishin shumë të dashur e romantikë.
Një çift i mençur, që janë të lirë në komunikim ndërmjet tyre, njëri-tjetrit ia thonë se çfarë dëshirojnë dhe kënaqen vetë, por kënaqësia është e ndërsjellë. Kjo gjë bëhet duke rënë dakord, duke bërë e duke provuar jo vetëm atë çfarë e pëlqejmë vetë, por edhe atë që e pëlqen tjetri, gjithmonë sipas rastit.
Flisni shtruar me partnerin tuaj për seksin dhe dashurinë, lejoni mashkullit që herë pas here të bëjë atë që dëshiron. Kjo nuk prish harmoninë dhe as jetën tuaj seksuale. Mos rrini të heshtur, ashtu shtrirë, por flisni, i thoni njëri-tjetrit se çfarë dëshironi.
Meshkujt e pëlqejnë seksin oral, jo aq ngaqë ata ndiejnë shumë kënaqësi nga ky lloj seksi, sesa nga fakti që në këtë moment ata ndihen vërtet të dëshiruar e të dashuruar nga femrat.
Seksi oral për mashkullin është një nga dhuratat e çmuara që e kënaq dhe e bën të dashurohet nga femra në një moment kur ka një eksitim me një ndjesi maksimale.
Meshkujt pas seksit, duken si të përhumbur në vetvete, sepse ata përpiqen që ta rimarrin veten përsëri, pasi, mos u çuditni, ata janë tronditur aq shumë, saqë kanë dalë nga vetja e tyre gjatë orgazmës dhe gati-gati kanë “luajtur nga fiqiri”.
Përgjithësisht, meshkujt, janë të mbyllur në vetvete, sepse ata përpiqen të mos e humbasin pushtetin, për shembull kur arrijnë në orgazëm, përveç kënaqësisë së madhe, ata përjetojnë edhe njëfarë frike. U duket sikur po e humbasin vetëkontrollin, pra edhe pushtetin, në mënyrë instinktive përpiqen ta rifitojnë atë që e kanë humbur: vetëkontrollin, seriozitetin, pushtetin. Kanë dalë nga vetja, prandaj përpiqen të rikthehen duke u mbyllur në vetvete.
Përveç lodhjes, është edhe ana psikologjike ajo që vepron tek meshkujt, dyshimi nëse ka arritur sukses apo jo. Ka dëshmi dhe prova se meshkujt eksitohen menjëherë nga revistat erotike, filmat me skena seksuale, veshja, veshje intime të natës, fotografitë erotike. Që do të thotë se meshkujt eksitohen më shumë me atë që shikojnë me sy. Kurse femrat eksitohen më shpejt nga ajo se çfarë dëgjojnë me veshë.
Kjo është edhe arsyeja përse në adoleshencë djemtë kërkojnë revista pornografike, ndërsa vajzave u pëlqejnë romanet me dashuri dhe komplimente.
Ky sekret te meshkujt shpjegohet me faktin se djemtë pëlqejnë më shumë: pamjen, veshjen, paraqitjen e femrës, bukurinë. Ndërkaq, femrat pëlqejnë më shumë: inteligjencën e mashkullit, komplimentet, poezi të shkruara.
Një fjalë e urtë popullore thotë: “mashkulli dashuron me sy, ndërsa femra dashuron me shqisa, me veshë. Kur njerëzit, në përgjithësi, e dinë natyrën e përjetimit të njeriut tjetër, ata përpiqen të bëjnë diçka, ose të paktën të mos keqkuptohen.
Mundohuni për kompromis, duke e bërë të mrekullueshëm për të dy epilogun e lojës së dashurisë. Ndoshta mashkulli duhet të lihet i qetë gjatë disa minutave, sa ta marrë veten, pastaj të kthehet me dëshirë në dashuri, duke folur me femrën, që ajo të mos ndihet e braktisur.
Një femër kishte thënë: “të gjithë djemtë që i kam pasur, donin të futeshin brenda, nuk donin të më njihnin përbrenda”. /Telegrafi