A ka vërtet seks në martesë?

Është ky një mit i vjetër sa edhe vetë koha; kur filloni të lundroni në ujërat bashkëshortore, seksi pushon. Të gjithë këtë e kemi dëgjuar, mirëpo sa është kjo e vërtetë?

Parandjenjat tuaja të errëta janë treguar si të sakta! – transmeton Telegrafi. Studimet e reja në të cilat kanë marrë pjesë 16.000 persona nga mosha 18 deri në 60 vjeç, kanë treguar që martesa pa seks nuk është mit, por realitet.

Pothuajse një e pesta e partnerëve bashkëshortor në muajin e fundit nuk kanë pasur marrëdhënie seksuale, ndërkaq 6 për qind e tyre nuk kanë pasur marrëdhënie më shumë se një vit.

Kur flasim për mesataren, çiftet kryesisht kanë seks 1,2 herë në javë, ndërkaq martesat pa seks në njëzet vjetët e fundit madje edhe janë katërfishuar.

Mendoj që problemi qëndron në atë që sot thjesht më shumë flasim dhe dëgjojmë për atë, e më pak veprojmë – thotë Denise A. Donelly, profesoreshë e sociologjisë në Universitetin e Gjeorgjisë.

Në kohët e kaluara, transmeton Telegrafi, para zbulimit të mjeteve kontraceptive, martesa pa seks ka qenë mënyrë që të pengohen shtatzënitë e padëshiruara. Gjithashtu, çiftet e pafat shpesh kanë qëndruar bashkë për shkak të rrethanave shoqërore apo për shkak të fëmijëve.

Sot ato rrethanat kanë ndryshuar, mirëpo seks kurrë më pak nuk ka pasur.