Sot do të shpallet plani për zhvendosje të refugjatëve nga Italia dhe GreqiaAthinë, 27 maj 2015 (MIA) - Greqia me padurim i pret lajmet nga Brukseli, ku eurokomisari për migrim Dimitris Avramopulos sot duhet ta shpallë planin për zhvendosje të rreth 40 mijë refugjatëve nga Italia dhe Greqia.
Avramopulos dje në Athinë u takua me përfaqësuesit e Qeverisë greke me të cilët ka diskutuar për planin e Komisionit Evropian për ballafaqim me migrimin ilegal, por nuk zbuloi detaje për skemën e zhvendosjes. Supozohet se 24 mijë refugjatë nga Italia dhe 16 mijë nga Greqia do të zhvendosen në korrnizat e BE-së. Eurokomisari i ka bindur autoritetet greke se financimi i agjencisë kufitare Fronteks do të rritet për tre herë dhe se zyra e saj rajonale në Pirea nuk do të zhvendoset në Itali.
"Autoritetet relevante të Komisionit Evropian dhe unë jemi të gatshëm t'i ndihmojmë Greqisë t'i zgjidhë të gjitha çështjet e hapura. Evropa është në anën e Greqisë dhe përkrahja do të jetë urgjente dhe efikase", deklaroi Avramopulos.
Sekretari i përgjithshëm i Kombeve të Bashkuara Ban Ki-mun, i cili sot do të qëndrojë në Bruksel, i bëri thirrje BE-së të bëjë diçka më tepër.
"U bëj thirrje liderëve evropianë ta zgjidhin këtë çështje në mënyrë gjithpërfshirëse dhe në mënyrë kolektive", tha ai gjatë vizitës së djeshme në Dublin.
|