Sot rivarrosen eshtrat e Isa BoletinitPrishtinë, 10 qershor 2015 (MIA) - Ceremonia e rivarrimit të Heroit Kombëtar Isa Boletini, e organizuar nën përkujdesjen e Qeverisë së Kosovës, mbahet sot në Mitrovicë dhe në fshatin e tij të lindjes, Boletin.
Në ditën e fundit të ceremonisë, sot, në Mitrovicë, mbahet Seanca solemne e Kuvendit Komunal. Pastaj, në orën 9:00 bëhen homazhe në sheshin "Adem Jashari", në 11:00 – arkivoli do të dërgohet në drejtim të Stadiumit të qytetit “Adem Jashari”.
Në ora 12:00 në Stadiumin e qytetit të Mitrovicës do të realizohet ceremonia qendrore.
Në këtë ceremoni në 12 pritet fjala e presidentes së Republikës së Kosovës, pastaj e përfaqësuesit të Shqipërisë dhe zyrtarëve të tjerë nga vendi e viset shqiptare.
Në 14:30 arkivoli me eshtrat e Isa Boletinit niset për në fshatin Boletin ku edhe do të bëhet rivarrimi i tij në orën 15:00.
|