Erdogan me kritika për shkak të pohimit se masakra në Kobane është kryer me përkrahje të Turqisë ndaj SHI-së Ankara, 26 qershor 2015 (MIA) - Presidenti turk Rexhep Taip Erdogan ashpër e ka kritikuar Partinë Demokratike Prokurde të Popujve (PDP), e cila kumtoi se masakra në qytetin sirian Kobane është kryer si pasojë e përkrahjes së Qeverisë turke për grupin Shteti Islamik.
Erdogan theksoi se askush nuk ka të drejtë ta vlerësojë Turqinë si shtet, i cili e përkrah terrorizmin.
"Shikojmë se qarqe të afërta me organizatat separatiste Partia Punëtore Kurde (PPK), këtu mendoj në personat e formacionit politik Partia Demokratike e Popujve, kryejnë fushatë të shpifjeve dhe propagandës së zezë pas sulmit në Kobane", deklaroi mbrëmë presidenti turk.
Ai e akuzoi PDP-në se është "instrument i regjimit të Bashar al Asad dhe disa grupeve të huaja, të cilat janë armiq të Turqisë.
Erdogan i bën thirrje partisë të jetë autokritike dhe të jetë fuqishëm e përkushtuar në Turqi, përderisa dëshiron të mbetet pjesë e shtetit.
|