Engel sot fillon vizitën në KosovëPrishtinë, 30 qershor 2015 (MIA) - Ligjvënësi amerikan, Eliot Engel, prej sot e deri më 5 korrik do të qëndrojë për vizitë në Kosovë.
Gjatë vizitës së tij, ai do të takohet me zyrtarë qeveritarë dhe përfaqësues të institucioneve zyrtare.
Engel sot do të takohet me presidenten e Kosovës, Atifete Jahjaga, ndërsa nesër, pritet të takohet me zëvendësministrin e Punëve të Jashtme, Petrit Selimi.
Pastaj kongresmeni Eliot Engel do të takohet edhe me zëvendëskryeministrin Branimir Stojanovic, raporton KP.
Engel në ditët në vazhdim do të takohet edhe me kryetarin e Kuvendit, Kadri Veselin, me kryeministrin Isa Mustafa, ministrin e Punëve të Brendshme, Skender Hysenin dhe me kryetarin e komunës së Mitrovicës së Jugut, Agim Bahtiri.
|