Uikiliks publikoi biseda të përgjuara ndërmjet kancelares gjermane Angela Merkel dhe asistentit të saj personal në të cilat tema ka qenë kriza greke.
Merkel nuk ka qenë e sigurtë se çka do ta shpëtonte Greqinë, nëse ulja e borxheve apo pakoja e re e ndihmës financiare, tregon transkripta nga biseda e përgjuar në tetor të vitit 2011.
Ajo druante se madje edhe nëse i falet një pjesë e borxhit, Greqia nuk do të mund t'i zgjidhë problemet.
Shërbimet sekrete amerikane me vite e kanë përgjuar kancelaren Merkel, ndërsa Uikiliks tani i publikon dokumentet sekrete.
Nga xhirimet shihet edhe se Merkel nuk ka qenë e sigurtë nëse Greqisë do t'i ndihmonte një ekip nga ekspertë financiar. Derisa minsitri gjerman i Financave Volfgang Shojble e ka mbështetur idenë për uljen e borxhit të Greqisë.
Uikiliks dje kumtoi se Agjencia Amerikane për Siguri Nacionale (NSA) nuk e ka përgjuar vetëm kancelaren Merkel, por edhe disa ministra gjermanë.