Turqia e përforcon ushtrinë përgjatë kufirit me SirinëStamboll, 3 korrik 2015 (MIA) - Turqia ka sistemuar ushtri dhe pajisje shtesë në pjesët e kufirit me Sirinë në momentin e intensifikimit të luftimeve rreth qytetit Alepo, deklaruan përfaqësuesit e forcave të sigurisë.
Kryeministri i Turqisë, Ahmed Davutoglu ndërkohë deklaroi se momentalisht nuk ka plane për ndërhyrje.
Burimet e sigurisë dhe përfaqësuesit zyrtar në Ankara theksojnë se ushtria turke ka përforcuar sigurinë duke dërguar edhe forca speciale për shkak të luftimeve të ashpra.
"Është e saktë se ndërmorëm masa parandaluese për ta mbrojtur kufirin tonë. Nëse paraqiten rrethana përgjatë kufirit që janë rrezik për sigurinë e Turqisë, do të jepet urdhër për veprim, por askush nuk duhet të presë se Turqia do të hyjë në Siri nesër ose në një të ardhme të afërt", theksoi Davutoglu.
|