Vetëvendosje bën thirrje për protesta në të cilat nuk e përjashtojnë as dhunënPrishtinë, 26 gusht 2015 (MIA) - Pas nënshkrimit të marrëveshjes për Asociacionin serb, Lëvizja Vetëvendosje ka thënë se Thaçi e Mustafa meritojnë të quhen tradhtarë kombëtarë, madje nga ky i fundit kanë kërkuar edhe dorëheqjen, shkruan "Bota sot".
Siç citon gazeta, ata po ashtu kanë ftuar qytetarët që të jenë të gatshëm për të ndërmarr veprime të përbashkëta, të cilat do të ndalnin krijimin e këtij asociacioni. Këtu ata nuk përjashtojnë asnjë mundësi, madje as dhunën.
Këtë thirrje ata e bënë përmes një konference për media, pas nënshkrimit të marrëveshjes së mbrëmshme për formimin e Asociacionit të Komunave me shumicë serbe.
Kryetari i VV-së, Visar Ymeri, tha se pas kësaj, nëse Isa Mustafa nuk jep dorëheqje nga posti i kryeministrit, duhet të jep dorëheqje e tërë Qeveria.
|