SYRIZA kërkon mandat të fuqishëm nga populli grekAthinë, 1 shtator 2015 (MIA) - Zëdhënësja e SYRIZA-s, Olga Garovasili u ka bërë thirrje grekëve që edhe një herë t'i japin partisë mandat të fuqishëm në zgjedhjet e ardhshme më 20 shtator.
"Mandat i fuqishëm qeverisë së SYRIZA-s që të shpëtohet vendi nga situata e rëndë, në të cilën e sollën 40 vite politikat e këqija", deklaroi Garovasili për një radio greke.
Ajo theksoi se SYRIZA nuk do të bashkëpunojë me Demokracinë e Re për shkak se dy partitë janë të ndryshme edhe ideologjikisht edhe politikisht, duke shtuar se SYRIZA "nuk mban ngarkesa të njëjta".
"Ne kemi qëllime tjera", shtoi ajo.
Lideri i SYRIZA-s, Aleksis Cipras sot nga Kreta do ta fillojë fushatën e tij zgjedhore në nivel nacional.
|