Aksion i madh në Shqipëri për shfarrosjen e marihuanësTiranë, 1 shtator 2015 (MIA) - Policia e Shtetit të Shqipërisë ka nisur një tjetër operacion masiv antikanabis në Dukagjin të Shkodrës, më konkretisht në njësitë administrative Plan dhe Pult.
Në operacion janë përfshirë 400 forca policore si dhe 60 automjete policie. Në operacion janë të përfshirë edhe 2 helikopterë, që shërbejnë për transportimin e forcave RENEA.
Deri në këto momente janë asgjësuar rreth 4000 rrënjë bimë narkotike dhe operacioni po vijon në terrene shumë të thepisura e të vështira.
|