Hungaria e mbylli edhe hapësirën ajrore mbi kufirin me Serbinë

Budapest, 14 shtator 2015 (MIA) - Hungaria sot e mbylli edhe hapësirën ajrore në një thellësi prej 20 kilometrave nga kufiri i saj me Serbinë, deri në një lartësi prej 1.350 metrash, kumtoi Ministria hungareze e Transportit.

Kjo masë është vendosur me qëllim që të mundësohet përdorim i sigurt i kësaj pjese të hapësirës ajrore hungareze nga ana e policisë, ushtrisë dhe shërbimeve të ndihmës së shpejtë gjatë ballafaqimit me krizën e refugjatëve, theksohet në deklaratë.

Sipas Ministrisë, mbyllja e hapësirës ajrore, e cila do të jetë në fuqi deri në urdhërinë e ardhshëm, nuk do të ndikojë në trafikun ajror ndërkombëtar.

Hungaria sot e mbylli kufirin me Serbinë për të parandaluar hyrjen e migrantëve në territorin e saj, ku nga pasditja vonë filloi të lështojë refugjatë në grupe të vogla përmes vendkalimit zyrtar të kufirit mes Hungarisë dhe Serbisë, Horgos 2.