"EurAktiv": Vallë BE-ja e humb SerbinëBruksel, 29 shtator 2015 (MIA) - Derisa mijëra refugjatë vijnë në kufijtë e Evropës, pjesa tjetër e botës, por edhe vetë europianët, gjithnjë e më shumë dyshojnë në kapacitetet e Brukselit dhe të vendeve-anëtare të BE-së për ballafaqim me krizën e refugjatëve, vlerëson portali në Bruksel "EurAktiv", i cili kryesisht trajton tema të lidhura me Unionin.
Portali konsideorn se kriza e refugjatëve e sjell në pikëpyetje besimin tek BE-ja, për shkak të paaftësisë së saj që të ballafaqohet me valën e refugjatëve dhe për shkak të mosrespektimit të normave ndërkombëtare për të drejtat e njeriut, çështje e cila deri më tani ishte një nga "gështenjat e nxehta" në negociatat e saj me shtetet-kandidate për anëtarësim.
Sipas portalit, kjo posaçërisht vlen për Serbinë, e cila si edhe aspirantët e tjerë për anëtarësim në BE, në Union shikonin një nga liderët më të rëndësishëm botëror.
Por, tani duket se Beogradi tek BE-ja gjithnjë e më pak shikon në institucion i cili mund t'u thotë të tjerëve, çka dhe si duhet të bëjnë. Ndryshimi i këtillë i qëndrimeve është meritë e aksionit të dobët nga ana e Unionit në ballafaqimin me krizën e refugjatëve, konsideron "EuroAktiv".
Këshilltari për çështje evropiane në Asociacionin evropian për agjencitë e komunikimit, Stefan Rangeloviq konsideron se në kushte kur Serbia gjithnjë e më shumë është në goditjetë valës së refugjatëve, BE-ja do të duhet ta shpërblejë nëse dëshiron ta ruajë në rrugën eurointegruese, me atë që do të lejojë hapje të kapitullit të parë të negociatave inkuarduese.
|