Greqia nuk do të ndërtojë qendra pranimi për refugjatë në kufirin me Bullgarinë dhe TurqinëAthinë, 2 tetor 2015 (MIA) - Greqia nuk do të ndërtojë qendra për pranim të refugjatëve në kufirin me Bullgarinë dhe Turqinë, njoftoi edicioni elektronik i gazetës greke "Etnos", duke cituar zëdhënësin e Qeverisë greke, Terens Kuik.
Ai dje ishte për vizitë në Komotini dhe para gazetarëve theksoi se Qeveria nuk planifikon të krijojë Qendër për regjistrim dhe pranim të refugjatëve në rajonin e zonës veriore Evros. Sipas tij kufiri është i përbashkët për tre shtetet dhe është i domosdoshëm mendimi i palëve të treta për këtë "çështje specifike teknike".
"Evropa tërësisht kumton se ky nuk është kufi vetëm i Greqisë", theksoi Kuik.
|