Për dy javë në Kroaci kanë hyrë pothuajse 99.000 refugjatëZagreb, 2 tetor 2015 (MIA) - Nga fillimi i krizës së refugjatëve, më 16 shtator, e deri më sot në orën 15, në Kroaci kanë hyrë gjithsej 98.901 imigrantë, njoftoi pasdite Ministria kroate e Punëve të Brendshme.
Siç njofton HINA, vetëm gjatë ditës së sotme përmes vendkalimeve Tovarnik dhe Bapska në kufirin me Serbinë, në Kroaci kanë hyrë 3.827 refugjatë, të cilët pastaj me autobusë dhe tren janë transportuar deri në Hungari.
Në të njejtën kohë, në qendrën për pranim në Opatovac në orën 15 ndodheshin rreth 800 refugjatë.
"Fluks i refugjatëve nga rajoni i Republikës së Serbisë pritet edhe më tej", shtohet në kumtesën e Ministrisë kroate të Punëve të Brendshme.
|