Stoltenberg: Të gjitha vendet e NATO-s e përkrahin TurqinëBruksel, 30 nëntor 2015 (MIA) - Sekretari i përgjithshëm i NATO-s, Jens Stoltenberg dhe kryeministri i Turqisë Ahmet Davutogllu në takimin e sotëm biseduan për çështje të rëndësishme ndërkombëtare, duke përfshirë edhe krizën në Siri dhe incidentin e javës së kaluar, rrëzimin e aeroplanit ushtarak rus.
"Të gjitha vendet-anëtare të NATO-s e përkrahin të drejtën turke që të mbrojë integritetin e saj territorial dhe hapësirën ajrore", deklaroi Stoltenberg pas takimit në selinë e Aleancës.
Ai shtoi se i përkrah përpjekjet e Ankarasë që të vendosë kontakt me Moskën dhe qetësimin e situatës.
"Është e rëndësishme që të qetësohen tensionet", theksoi Stoltenberg.
Sekretari i përgjithshëm i NATO-s theksoi se në të ardhmen duhet që të shmangen situata të ngjashme.
"Incidenti i javës së kaluar tregoi se është e rëndësishme që të përforcohet mekanizmi ndërkombëtar që të ndërtohet stabilitet, transparencë dhe parashikueshmëri në marrëdhëniet tona me Rusinë. Kjo është e rëndësisë kyçe që të ulet rreziku nga incidente dhe fatkeqësi", citoi Stoltenberg.
Çështjet për uljen e rreziqeve dhe transparencëa e aktiviteteve ushatarake do të shqyrtohen në takimin e ministrave të punëve të jashtme të vendeve-anëtare të NATO-s, që do të mbahet më 1 dhe 2 dhjetor.
Stoltenberg apeloi që edhe Rusia të ketë rol konstruktiv në Siri në luftën kundër Shtetit Islamik.
|