Mbi 120 qytetarë të Kosovës të cilët kanë luftuar për SHI-në janë kthyer në Kosovë

Prishtinë, 30 nëntor 2015 (MIA) - Mbi 120 shtetas kosovarë, të cilët kanë luftuar në anën e "Shtetit Islamik, janë kthyer në Kosovë, njoftojnë mediet kosovare.

Këtë e deklaroi zëdhënësi i policisë së Kosovës, Baki Kelani, duke theksuar se numri i personave që besohet se kanë qenë në zonën e konfliktit që nga viti 2011 e deri më tani dhe të cilët janë kthyer në Kosovë është mbi 120.

Burime brenda organeve të sigurisë kanë bërë me dije se institucionet përgjegjëse, duke përfshirë Policinë e Kosovës, Agjencinë e Kosovës për Inteligjencë dhe mekanizmat tjerë relevantë, janë duke përcjellë në detaje aktivitetet e kosovarëve, të cilët në kohë të ndryshme kanë qenë në Siri e Irak e që janë kthyer në Kosovë.

Masat e sigurisë në Kosovë janë shtuar edhe pas sulmeve të fundit terroriste në fillim të këtij muaji në Paris, me ç'rast vdiqën rreth 130 persona.