Mali i Zi mori ftesë për anëtarësim në NATOBruksel, 2 dhjetor 2015 (MIA) - NATO-ja i bëri thirrje Malit të Zi të bëhet anëtarja e 29-të e Aleancës.
"Ky vendim historik për fillimin e negociatave për anëtarësim me malin e Zi u soll unanimisht nga 28 ministrat e punëve të jashtme të NATO-s në takimin në Bruksel. Politika e NATO-s për dyer të hapura ka për qëllim përhapjen e stabilitetit, sigurisë dhe vlerave demokratike në të cilat bazohet Aleanca. Të gjithë bëhemi më të fuqishëm dhe më stabil me atë që e mbajmë derën tonë të hapur", deklaroi Jens Stoltenberg, sekretar i përgjithshëm i NATO-s duke e hapur takimin e shefave të diplomacive të shteteve anëtare.
Mali i Zi pas negociatave do të bëhet anëtarja e 29-të e NATO-s.
"Urojmë Qeverinë dhe qytetarët për atë arritje. Kjo është ditë jashtëzakonisht e bukur për Malin e Zi, Ballkanin Perëndimor dhe për Aleancën. Mali i Zi u dëshmua në rrugën për të vendosur mbizotërimin e së drejtës. Prej vitit 2009 bashkëpunojmë me Malin e Zi në Planin e Aksionit për anëtarësim", deklaroi Stoltenberg.
"Sot shohim rezultate konkrete në përkushtimin e Malit të Zi. Megjithatë, ky nuk është fundi i kësaj rruge. Paraprin pjesë e rëndësishme sa i përket adaptimit të sistemit të mbrojtjes, reformave në sundimin e së drejtës dhe përforcimin e mbështetjes së mendimit publik. Këto janë çështje në të cilat do të vazhdojmë të punojmë gjithnjë derisa hapim kapituj të rinj për anëtarësim dhe gjatë ratifikimit", deklaroi Stoltenberg.
|