Davutoglu: Të gjitha viktimat në Stamboll janë të huajAnkara, 12 janar 2016 (MIA) - Kryeministri turk Ahmet Davutoglu deklaroi se Shteti Islamik qëndron pas sulmit të sotëm vetëvrasës në Stamboll, ku jetën e humbën 10 persona, të gjithë të huaj, transmeton televizioni turk NTV.
Sipas kryeministrit turk, kryerësi i sulmit është shtetas i huaj, anëtar SHI-së.
"Pavarësisht se nga ku vjen terrorizmi, ai që kryen sulm terrorist bën krim kundër njerëzimit", tha Davutoglu.
Kryeministri më tej theksoi se Turqia është e vendosur për të luftuar kundër grupit luftarak për aq kohë sa ajo nuk pushon të jetë kërcënim për vendin dhe botën, transmetojnë mediat amerikane.
"Të gjitha viktimat në sulmin e sotëm janë të huaj. Këta mysafirë tanë për ne janë të dashur dhe të vlefshëm. Ata kanë ardhur për ta njohur Turqinë", theksoi Davutoglu.
|