Të paktën nëntë refugjatë janë mbytyr në afërsi të bregut të Turqisë

Ankara, 2 shkurt 2016 (MIA) - Roja bregdetare turke ka zbuluar sot të paktën nëntë trupa të pajetë të refugjatëve, duke përfshirë edhe dy fëmijë, pasi anija e tyre është fundosur në afërsi të bregut turk, transmeton Tanjug, duke iu referuar informatave nga mediat lokale turke.

Anija është nisur nga provinca perëndimore turke Izmir, me siguri drejt Greqisë.

Në Turqi gjenden 2,2 milionë refugjatë nga Siria, ndërsa sipas të dhënave nga Organizata për Migrim pranë KB-ve, mbi një milionë refugjatë kanë arritur në Evropë përmes rrugës detare.

Sipas të dhënave të KB-ve, më shumë se 800.000 refugjatë e kanë kaluar Detin Mesdhe në rrugën drejt Evropës këtë vit, ndërsa mbi 3.400 kanë humbur jetën gjatë atij tentimi.