Turqia: Nuk planifikojmë sulm ushtarak mbi Sirinë

Ankara, 5 shkurt 2016 (MIA) - Turqia nuk planifikon sulm ajror mbi Sirinë dhe "rrëfimet e Rusisë" për aksione të këtilla janë propagandë, deklaroi sot një përfaqësues i lartë zyrtar i Qeverisë turke.

"Turqia nuk ka plane, as nuk mendon për fushatë ushtarake ose sulm tokësot në Siri", theksoi përfaqësuesi qeveritar.

Ai tha se Rusia vazhdimisht e përforcon fushatën e saj ushtarake në Siri, në vend që të punojë në zgjidhje.

"Turqia është një pjesë e koalicionit dhe bashëpunon me aleatët. Disa herë deri më tani kemi thënë se Turqia asnjëherë nuk do të veprojë në mënyrë të njëanshme", shtoi përfaqësuesi turk.

Zëdhënësi i Ministrisë ruse të Mbrojtjes, Igor Konashenkov deklaroi se Rusia ka shkaqe serioze që të dyshojë se Turqia përgatit ofensivë ushtarake në Siri.