Davutoglu: Bota ta ngrejë zërin kundër sulmeve ruse në SiriAnkara, 9 shkurt 2016 (MIA) - Kryeministri turk Ahmet Davutoglu sot i bëri thirrje bashkësisë ndërkombëtare ta ngrejë zërin kundër "bombardimeve të pamëshirshme të caqeve civile" të Rusisë në Siri.
"Rusia në fund do të tërhiqet nga Siria me kokë të përkulur nga turpi, ashtu siç forcat sovjetike në kohë u tërhoqën nga Afganistani", deklaroi Davutoglu para deputetëve të Partisë në pushteti për Drejtësi dhe Zhvillim (AKP), ndërsa në të njëjtën kohë dhjetëra mijë sirianë presin të hyjnë në Turqi.
Turqia deri më tani ka pranuar 2,5 milionë refugjatë sirianë.
Davutoglu theksoi se Turqia nuk e ka mbyllur kufirin për refugjatë edhe pse tani për tani nuk lejon hyrjen e refugjatëve.
|