FMN: Pa një plan kredibil grek ekziston frika për Grekzit

Athinë, 12 shkurt 2016 (MIA) - Greqia ka nevojë për "restriksione" prej rreth nëntë miliardë eurosh, shkroi në blogun e vet drejtori i FMN-së në Evropë, Pol Tomsen.

Ai konsideron se masat restriktive do të duhet të pranohen nga Greqia deri në vitin 2018 dhe në to është e pashmangshme edhe ulja e pensioneve.

"Plani i bërë në parashikime tejet optimiste mund të paraqesë druajtje për Grekzit dhe ta shuajë klimën investuese", thekson Tomsen.

Programi grek për shpëtim të ekonomisë paralajmëron rritje fillestare të BPV-së prej 3,5 për qind në vitin 2018, por Pol Tomsen pohon se do të jenë të domosdoshme masa në përmasë prej 4 deri 5 për qind, përkatësisht 7,2 deri 9 miliardë euro.

"Nuk e di se si Greqia do ta arrijë atë pa masa të dukshme restriktive dhe ulje të pensioneve", thekson përfaqësuesi i FMN-së.