Bozkër: Turqia deri të hënën do t'i përmbushë kriteret e BE-së për liberalizim të vizaveAnkara, 28 prill 2016 (MIA) - Turqia deri të hënën do t'i përmbushë kriteret e Bashkimit Evropian për liberazim të vizave, deklaroi për televizionin NTV ministri turk i BE-së, Volkan Bozkër.
"Shpresoj se të hënën, më 2 maj, 10 kriteret e tjera do të sinkronizohen me normat e BE-së", tha ai.
"Ne do t'i përmbushim të gjitha kriteret dhe unë personalisht shpresoj se në fillim të qershorit çështjen me heqjen e vizave do ta zgjidhim me vendet e BE-së në mënyrë pozitive", shtoi ministri, cituar nga TASS.
Bozkër më tej tha se shpreson që Komisioni Evropian në raportin e vet më të ri, të javës së ardhshme, të rekomandojë heqjen e vizave për turqit që udhëtojnë në Evropë.
|