Erdogani i "brengosur" për shkak të situatës në FrancëAnkara, 30 maj 2016 (MIA) - Presidenti i Turqisë Rexhep Taip Erdogan sot e dënoi përdorimin e dhunës të policisë franceze ndaj demonstruesve dhe shtoi se është i brengosur për shkak të dhunës në Francë.
"Dënoj dhunën e përdorur nga policia franceze ndaj personave të cilët e përdorin të drejtën e tyre për të demonstruar. Ata (vendet evropiane) kushtuan vëmendje se janë të brengosur (për situatën në Turqi). Mirë, unë jam i brengosur për atë që ndodh në Francë", deklaroi Erdogan në Stamboll.
Erdogani kritikoi edhe mediat perëndimore, të cilët sipas tij nuk i ndjekin protestat sociale në Francë, të cilat u shkaktuan për shkak të reformave të paralajmëruara në Ligjin e punës.
Paraprakisht, edhe zëdhënësi i Ministrisë turke i Punëve të Jashtme Tanzhu Bilgiç u bëri thirrje autoriteteve franceze të përmbahet nga çdo lloj i përdorimit të dhunës.
Erdogani ishte kritikuar ashpër pas represionit policor ndaj pjesëmarrësve në demonstratat antiqeveritare në vitin 2013.
|