Liderët e "Vetëvendosjes" bëhen me shtetësi shqiptareTiranë, 22 gusht 2016 (MIA) - Krerët e Lëvizjes Vetëvendosje janë pajisur me pasaportën e Shqipërisë, njofton "Koha Ditore".
Zyrtarët e Vetëvendosjes që kanë përfituar nënshtetësinë e shtetit shqiptar me procedurë të shpejtë janë kryetari i Lëvizjes, Visar Ymeri, deputetët Albin Kurti, Glauk Konjofca, Aida Dërguti, sekretari organizativ Dardan Molliqaj dhe anëtari i Kryesisë, Liburn Aliu.
Këtë e ka konfirmuar për portalin Koha.net, zëdhënësi i Vetëvendosjes, Frashër Krasniqi, i cili ka shtuar se krerët e VV-së nënshtetësinë e kanë marrë me dekret nga Presidenti i Shqipërisë, Bujar Nishani.
|