Grupi i lidhur me PKK-në e mori përgjegjësinë për sulmin e sotëm në qytetin turk XhizreAnkara, 26 gusht 2016 (MIA) - Grupi, i cili llogaritet si degë ushtarake e Partisë Punëtore Kurde (PKK) mori përgjegjësinë për sulmin e sotëm në qytetin Xhizre, ku u vranë rreth 11 veta, ndërsa dhjetëra tjerë janë plagosur, kumtoi agjencia Fërat, e afërt me luftëtarët kurdë, transmeton BTA.
Grupi Forca për mbrojtje popullore njoftoi se ka kryer sulm vetëvrasës në shenjë proteste kundër izolimit të liderit të kryengritësve kurd Abdullah Oxhalan, i cili vuan burg të përjeshëm në Turqi.
Në të njëjtën kohë organizata e mori përgjegjësinë edhe për sulmin e djeshëm në Artvin, në verilindje të Turqisë kundër shoqërimit të motorizuar të liderit opozitar Kemal Këlëçdaroglu, duke saktësuar se ai nuk ka qenë caku konkret.
Në sulmin e sotëm ndaj postbllokut policor në qytetin Xhizre, në juglindje të Turqisë, së paku 11 veta kanë humbur jetën, ndërsa 78 janë plagosur.
|