Dy të rinj vriten nga armë zjarri në PrishtinëPrishtinë, 29 gusht 2016 (MIA) - Dy të rinj sot janë vrarë në Parkun e qytetit në Prishtinë, nga të shtëna me armë zjarri.
Zëdhënësja e Policisë për rajonin e Prishtinës, Flora Ahmeti tha se dy të rinj sot e kanë humbur jetën në të shtënat që kanë ndodhur sot në afërsi të Parkut të Qytetit në Prishtinë.
“Zyrtarisht kemi marrë informatë nga QKUK që edhe i plagosuri i dytë, Arianit Gashi ka ndërruar jetë”, tha Ahmeti për portalin koha.net.
Paraprakisht, nga të shtënat në Parkun e qytetit në Prishtinë, jetën e ka humbur 21-vjeçari Eron Agaj.
Ndaj dy të rinjve ka shtënë një i dyshuar sot rreth orës 12:00.
Personi që dyshohet se ka kryer këtë atentat është nga Shqipëria, raporton Express.
|