Kurc i shqetësuar për shkak të rritjes së radikalizimit islamik në Ballkan

Vjenë, 19 shtator 2016 (MIA) - Ministri austriak i Punëve të Jashtme, Sebastian Kurc, i cili u nis për në Nju-Jork, në sesionin e Asamblesë së Përgjithshme të Kombeve të Bashkuara, shprehi shqetësim lidhur me radikalizimit islamik në rajonin e Ballkanit Perëndimor.

Pas nismës së tij në Misionin e Austrisë në KB sonte do të organizohet takim i ministrave të jashtëm të shteteve nga Ballkani Perëndimor.

Kurc deklaroi se nuk guxon të humbet perspektiva evropiane për vendet nga Ballkani Perëndimor në momentin kur vëmendja është e kahëzuar drejt Brekzitit dhe marrëdhënieve ndërmjet Bashkimit Evropian dhe Turqisë.

Kurc theksoi se posaçërisht autoritetet në Shqipëri, Bosnjë e Hercegovinë dhe Kosovë duhet t'i kundërvihen radikalizimit islamik në rritje, "sepse atje po përhapet ndikimi fetar-ideologjik, ndërsa gratë paguhen që në rrugë të ecin të mbuluara".

Lidhur me projekt-konkludimet nga samiti i KB-së për krizën e refugjatëve, Kurc konsideron se është pozitive ajo që tashmë është pranuar se problemi me migrantët dhe refugjatët është problem global.