SHBA-ja e gjykon mbajtjen e referendumit në Republikën Sërpska

Uashington, 27 shtator 2016 (MIA) - SHBA-ja dje e ka dënuar "referendumin ilegal" në Republikën Sërpska, duke theksuar se do t'i mbështesin institucionet lokale, të cilat kërkojnë që udhëheqësia e RS të përgjigjet për "minimin e sundimit të drejtësisë dhe opstruksionin e zbatimit të Marrëveshjes së Dejtonit".

"U bëj thirrje të gjitha palëve në BeH që të përmbahen nga aksione të mëtutjeshme dhe nga retorika që të çon drejt ndarjes dhe të fokusohen në reformat shumë të nevojshme shoqërore, politike dhe ekonomike", theksoi në kumtesë zëvendëszëdhënësi i Departamentit të Shtetit, Mark Toner.

Në kumtesë theksohet se udhëheqësia e RS të dielën ka organizuar referendum, që drejtpërdrejtë është në kundërshtim me vendimin e Gjykatës Kushtetuese të BeH-së.