72-Vjetori i Çlirimit të Shqipërisë – Meta dhe Rama zhvillojnë homazhe në Varrezat e DëshmorëveTiranë, 29 nëntor 2016 (MIA) - Me rastin e 29 nëntorit, 72 vjetorit të Çlirimit të Shqipërisë nga pushtuesit nazifashistë, krerët më të lartë të shtetit zhvilluan sot homazhe në Monumentin "Nënë Shqipëri", në Tiranë.
Nën tingujt e muzikës funebre, kryetari i Kuvendit, Ilir Meta, kryeministri Edi Rama, kryetari i bashkisë së Tiranës, Erjon Veliaj, zyrtarë të qeverisë dhe deputetë, veteranë të luftës, qytetarë, etj, vendosën kurora me lule në Varrezat e Dëshmorëve, në nderim të kujtimit të atyre që dhanë jetën për çlirimin e Shqipërsë, transmeton ATSH.
Ndërsa Kryetari i Partisë Demokratike të opozitës, Lulzim Basha, zhvilloi dje, më 28 Nëntor, homazhe në varrezat e Dëshmorëve duke kujtuar në një ditë edhe festën e Pavarësisë dhe Çlirimin e vendit.
Vitet e fundit 29 Nëntori ka shkaktuar jo pak debate mes politikës dhe historianëve për të vërtetën e ditës së Çlirimit të Shqipërisë.
|