Hoxhaj: Pas rastit të Haradinajt duhet të rishikohet qasja dhe dialogu me Serbinë

Shkup, 7 janar 2017 (MIA) - Ministri i Punëve të Jashtme i Republikës së Kosovës, Enver Hoxhaj në një konferencë për media tha se pas rastit të arrestimit të liderit të AAK-së, Ramush Haradinaj, duhet të rishikohen raportet, qasja dhe dialogu me Serbinë.
Ai tha se Serbia po e keqpërdorë INTERPOL-in dhe dialogun me Kosovën.
Ministri i Jashtëm po ashtu theksoi se ka biseduar me ministrin e Jashtëm të Francës dhe ia ka sqaruar deri në detaje rastin.
Hoxhaj tha se është befasuar me njohuritë që kishte ministri i jashtëm francez për rastin, por siç tha Hoxhaj në shtetet demokratike gjyqësori është i shkëputur nga politika.
Ai sqaroi se lidhur me arrestimet për shkak të fletë arresteve ndërkombëtar të Serbisë ka parandaluar disa raste të arrestimeve të qytetarëve të Kosovës.
Ministri i jashtëm kosovar theksoi se ka informata që Serbia ka zgjeruar listën e personave për të cilat ka lëshuar ose pritet të lëshojë fletë arreste ndërkombëtare për qytetarët e Kosovës.
Duke folur për ndalimin e Haradinajt në Francë, Hoxhaj tha se Kosova ka shkuar me reciprocitet, duke ia ndaluar presidentit serb, Tomislav Nikoliq vizitën në Kosovë.