Grabitet autoblinda e një banke rrugës për në Rinas në Tiranë Tiranë, 9 shkurt 2017 (MIA) - Një grabitje ka ndodhur mesditën e sotme në rrugën Tiranë-Rinas, ku persona të maskuar kanë ndaluar dhe i kanë marrë paratë një makine të blinduar që po transportonte paratë e një banke private, transmeton ATSH. Burime policore bëjnë me dije se makina është grabitur në Qafë Kashar nga një grup personash të armatosur, rrugës për në aeroportin e Rinasit. Sipas mediave shqiptare ende nuk dihet sasia e parave të grabitura, por nga të dhënat paraprake mësohet se shuma e marrë është mbi 100 mijë euro. Autorët kanë djegur pas grabitjes mjetin me të cilin kryhen krimin. Policia është vënë në ndjekje të tyre dhe ka ngritur disa postoblloqe.
|