Gerxhikov: Tani për tani nuk ka marrëveshje për zgjedhje të eurokomisarit të ri bullgar

Sofje, 21 shkurt 2017 (MIA) - Tani për tani nuk ka marrëveshje për zgjedhje të eurokomisarit të ri bullgar, por kjo mund të ndodhë në çdo moment, deklaroi sot kryetari i Qeverisë teknike të Bullgarisë, Ognjan Gerxhikov.
Ky këtë qëndrim e parashtroi duke iu përgjigjur pyetjes së gazetarëve nëse eurokomisari i ri bullgar, pas dorëheqjes së Kristalina Georgieva në dhjetor vitin e kaluar, duhet ta zgjedh Kabinetin e tanishëm teknik ose Qeverinë që do të emërohet pas zgjedhjeve të parakohshme në prill të këtij viti.
Nga ana tjetër megjithatë, siç njoftoi BTA, kryetari i Klubit atlantik në Bullgari dhe ish shef i diplomacisë bullgare, Solomon Pasi thotë se anulimi i zgjedhjes së eurokomisarit të ri, nuk i sjell asgjë të mirë vendit.
"Ne në këtë moment nuk kemi 'këmbë të fuqishme' në Komisionin Evropian, e duhet ta përgatisim Qeverinë bullgare për atë që fillon për dhjetë muaj (kryesimi me BE-në)...Pa sy dhe veshë në KE, shumë vështirë të arrihet e tërë kjo", deklaroi ai.
Me këtë rast, ai theksoi se tani për tani atij askush nuk i ka propozuar funksionin eurokomisar.