TIranë, 24 mars 2017 (MIA) - Rreth 20 tonë peshq i llojit Gjuzë është gjetur në brigjet e liqenit të Fierzës, në një gjatësi prej më shumë se 10 kilometrave, përkatësisht nga ura e Drinit të Zi deri tek ura e Drinit të Bardhë.
Faktori njeri është shkaktar për sasinë më të madhe të dëmtuar ndonjëherë në këtë liqen dhe shkak për këtë katastrofë ekologjike.
Specialistët kanë ngritur alarmin, duke bërë me dije se shkak i ngordhjes së kësaj sasie kaq të madhe peshku është gjuetia e paligjshme me dinamit.
Liqeni i Fierzës është akumulimi më i madh artificial në Shqipëri.