Gjykata themelore e Prishtinës ka lëshuar urdhërarrest për Albin KurtinPrishtinë, 21 prill 2017 (MIA) - Gjykata Themelore në Prishtinë ka lëshuar një urdhërarrest për ish-liderin e Lëvizjes "Vetëvendosje", Albin Kurti, pasi ky i fundit nuk ka marrë pjesë në seancën e sotme gjyqësore ku akuzohet për hedhje të gazit lotsjellës në Kuvendin e Kosovës.
Mirëpo, Indeksonline mëson se mosparaqitja e Kurtit në Gjykatë është me arsyetimin se i njëjti nuk gjendet në Republikën e Kosovës. "Albini ka udhëtuar dje në Austri për të marrë pjesë në një tubim me bashkatdhetarët atje", ka thënë ky burim.
"Ju njoftojmë se kryetari i trupit gjykues sot në seancën gjyqësore ka marr vendim që për të siguruar prezencën e të akuzuarit A.K gjatë ditës do të lëshojë urdhër arrest", thuhet në përgjigjen e Indeksonline nga Zyra për Informim e Gjykatës themelore.
Vlen të theksohet se Kurti kishte munguar edhe në seanca tjera të këtij gjykimi.
|